VOV4.Êđê - Klei hâo hưn mơ̆ng Anôk bruă gĭt gai gang mkhư̆ klei ruă Covid-19 čar Dak Lak, hlăm hruê 28-7, lŏ mâo 37 čô djŏ kman SARS –CoV -2, mđĭ ênoh mnuih ruă ti Dak Lak truh 178 čô. Hlăm ênoh 37 čô djŏ kman SARS –CoV -2 mâo mrâo mâo 28 čô hlăm dŭm wăl bi ktlah hjăn, kwang dar.

Digơ̆ jing phung djŏ tưp mơ̆ng dŭm anôk mâo klei ruă dưi bi mklă leh êlâo anăn ti ƀuôn prŏng Ƀuôn Ama Thuôt leh anăn kdriêk Čư̆ Kuin, Krông Bông leh anăn Krông H’Nang. 9 čô adôk jing phung ruă hlăm êpul êya tuôm wĭt mơ̆ng krĭng mâo klei ruă tưp ti ƀuôn prŏng Hồ Chí Minh leh anăn čar Bình Dương. Msĕ si, yap truh 5 mmông tlam hruê 28/7 čar Dak Lak čih yap 178 čô mnuih ruă, hlăm 15/15 kdriêk, wăl krah, ƀuôn prŏng, hlăm anăn mâo 7 čô mnuih dưi mdrao hlao leh anăn kbiă mơ̆ng sang êa drao.

H Zawut pô mblang