VOV4.Êđê - Hruê mbruê, kluôm čar Dak Lak lŏ mâo 68 čô mâo klei ruă tưp Covid-19 mrâo. Hlăm anăn, năng mđing hĭn mâo 7 čô mâo klei ruă tưp hlăm êpul êya yang ƀuôn ti ƀuôn prŏng Ƀuôn Ama Thuôt. Hlăm 7 čô anei, mâo 4 čô mnuih ruă hlăm sa gŏ sang ti ƀuôn hgŭm Ea Tam, 2 čô ti ƀuôn hgŭm Tân Thành leh anăn sa čô ti ƀuôn hgŭm Thành Nhất.

Leh čih yap mâo dŭm čô mnuih ruă anei, knơ̆ng bruă mdrao mgŭn ƀuôn prŏng Ƀuôn Ama Thuôt bi mguôp hŏng êpul êya ngă bruă ksiêm duah, tui duah phung djŏ tuôm leh anăn kwang dar anôk phung ruă dôk hŏng dŭm anôk diñu tuôm găn nao. Mbĭt anăn lŏ ngă klei test pral kơ phung djŏ tuôm, mâo êbeh 200 čô dưi mă mta ksiêm mkă kman leh anăn jih jang amâo mâo ƀuh kman ôh.

Y Ƀel pô mblang