VOV4.Êđê - Yap truh 4 mmông tlam hruê mbruê, ti čar Dak Lak lŏ mâo 7 čô mâo klei ruă tưp Covid-19 mrâo, mđĭ ênoh mnuih mâo klei ruă hlăm čar jing 185 čô. Hlăm čar lŏ mâo lu mnuih ƀuôn sang mrâo wĭt mơ̆ng dŭm čar, ƀuôn prŏng dôk mâo klei ruă tưp lehanăn bruă ksiêm dlăng dưi ngă kjăp hĭn. Tui si klei mrâo mơ̆ng êpul gĭt gai bruă gang mkhư̆ klei ruă tưp Covid-19 čar Dak Lak, 7 čô mnuih ruă mrâo dưi hlăm ƀuh hlăm dŭm kdriêk, wăl krah mâo: Čư̆ Mgar 3 čô, Krông Bông 2 čô, Krông Pač 1 čô lehanăn ƀuôn prŏng Ƀuôn Ama Thuôt 1 čô. Hlăm dŭm čô anăn, mâo sa čô dưi hmao ƀuh hlăm anôk bi ktlah, tưp mơ̆ng mnuih mâo klei ruă êlâo anăn. Dŭm čô mkăn jing dŭm čô mâo klei ruă mrâo wĭr mơ̆ng čar Bình Dương. Čar Dak Lak dŭm hruê giăm anei mâo lu êdi mnuih ƀuôn sang wĭt mơ̆ng ƀuôn prŏng Hồ Chí Minh, čar Bình Dương lehanăn dŭm čar krĭng dhŭng. Mâo lu mnuih mâo klei ruă tưp mrâo wĭt mơ̆ng dŭm anôk mâo klei ruă tưp dôk dưi ksiêm dlăng kjăp hŏng kdrăp mrâo mrang kơ dŭm čô mrâo wĭt mơ̆ng anôk mâo klei ruă tưp.

Y Bel pô mblang