VOV4.Êđê- Klei hưn mdah mơ̆ng êpul gĭt gai bruă gang mkhư̆ klei ruă tưp Covid-19 čar Dak Lak, alŭ wăl anei lŏ mâo mnuih ruă tal 9 klei ruă tưp Covid-19, pô anei jing mô̆ pô ruă tal 8 êlâo anăn. Pô anei jing amai T.T.M.L, k’kiêng thŭn 1996, ti alŭ Ea Duât, Să Ea Wer, kdriêk Ƀuôn Đon. Amai L jing sa čô mnuih mă bruă hlăm knơ̆ng bruă kpŭng ksu Quảng Huy (ti ƀuôn hgŭm Bình Trị Đông A, kdriêk čar Bình Tân, ƀuôn prŏng Hồ Chí Minh). Amai L jing F1 mơ̆ng ayŏng D, dưi mâo klei bi mkă mâo klei ruă tưp Covid-19 mơ̆ng knơ̆ng bruă mdrao mgŭn hlăk hruê 14/7. Anôk bruă mdrao mgŭn kdriêk Ƀuôn Đon ngă leh bruă krih êa drao mdjiê kman hlăm dŭm anôk ung mô̆ amai L tuôm găn nao.

Pô mblang: Y-Ƀel Êban