VOV4.Êđê- Phung khua anôk bruă ksiêm dlăng klei ruă tưp čar Dak Lak bi mklă, ti alŭ wăl mrâo maoa sa čô djŏ kman Sar CoV2. Anăn jing Y.T.H’M, ti ƀuôn Drañ A – să Dak Liêng, kdriêk Lăk, jing sa čô mnuih mă bruă ti ƀuôn prŏng Hồ Chí Minh. Hruê 26/6/2021 pô anei đĭ êdeh mơ̆ng ƀuôn prŏng Hồ Chí Minh wĭ ti sang. Aguah hruê 27/6, nao kơ Anôk bruă mdrao mgŭn kdriêk hưn mthâo klei suaih pral. Mơ̆ng hdră ksiêm dlăng pral djŏ kman Sar CoV2, leh ksiêm mkă dlăng hŏng hdră PCR ăt dưi bi mklă djŏ kman Sar CoV2. Anôk bruă djŏ tuôm ba leh 3 čô jing F1 nao bi ktlah mklin sa anôk, mă mta ksiêm dlăng hŏng 26 čô tuôm bi mtuôm giăm., mkŏ mjing anôk gak răng, kwang dar ƀuôn Drañ A lehanăn krih êa drao mdjiê kman djieue gah wăl sang pô anei hdĭp. 18 čô tuê đĭ êdeh mbĭt hŏng pô ruă anei mơ̆ng ƀuôn prŏng Hồ Chí Minh wĭt kơ Dak Lak dưi ba bi ktlah s’aĭ./.

Pô mblang: H’Nêč Êñuôl