VOV4.Êđê - Aguah mbruê, aê mdrao Trần Thuận, khua kiă kriê anôk bruă mdrao mgŭn kdriêk Krông Ƀŭk brei thâo hlăm alŭ wăl mrâo čih yap mâo 5 čô hđeh sang hră ti 3 sang hră mâo kman SARS-CoV-2, hlăm anăn mâo 3 čô hđeh bi klă leh hŏng klei ksiêm mkă RT-PCR mâo kman SARS-CoV-2. 2 čô hđeh adôk dôk guôn boh tŭ hlăm klei ksiêm mkă.

Ti anăp klei dleh dưi ksiêm dlăng mơ̆ng klei ruă tưp Covid-19, anôk bruă mgŭn kdriêk Krông Ƀŭk ngă mjêč leh bruă tui duah, mă mta ksiêm mkă kman kơ êbeh 300 čô hđeh sang hră leh anăn nai mtô tuôm jĕ giăm hŏng phung hđeh hlăm alŭ wăl. Boh tŭ hlăm klei ksiêm mkă hmar amâo mâo kman SARS-CoV-2 ôh. Ară anei 3 čô hđeh mâo klei ruă tưp Covid-19 mdei leh klei nao hriăm klă anăp. Bi kơ phung hđeh jing F1, sang hră bi mguôp hŏng anôk bruă mdrao mgŭn brei bi ktlah ti sang hŏng klei ksiêm dlăng mơ̆ng amĭ ama.

Y-Ƀel pô mblang