VOV4.Êđê- Čar Dak Lak ară anei dôk mă mta ksiêm mkă ti anôk ktuê dlăng klei ruă tưp kơ phung wĭt mơ̆ng dŭm čar nah Dhŭng. Hluê anăn, phung mgăt êdeh dŭ mdiăng mnơ̆ng dhơ̆ng, phung mgăt êdeh ô tô leh anăn êdeh p’phŭt hriê hlăm čar Dak Lak mơ̆ng ƀuôn prŏng Hồ Chí Minh leh anăn dŭm čar nah Dhŭng msĕ si: Đồng Nai, Bình Dương, Vũng Tàu, Tiền Giang srănh dưi mă mta ksiêm mkă test pral klei ruă ti anôk ktuê dlăng klei ruă tưp hlăm êlan dơ̆ng prŏng mrô 14 ti să Hoà phú, ƀuôn prŏng Ƀuôn Ama Thuôt.

Wưng mă mta ksiêm mkă mơ̆ng hruê 18 truh hruê 30/6/2021. Trịnh Quang Trí, Khua Anôk bruă ktuê dlăng klei ruă tưp čar Dak Lak brei thâo: bruă mă mta ksiêm mkă test pral ti anôk ktuê dlăng klei ruă tưp srăng đru kơ Dak Lak thâo răng hĭn hlăm hdră gang mkhư̆ klei ruă Covid-19.

Pô mblang: H’Zawut Ƀuôn Yă