VOV4.Êđê- Ho\ng klei ]ang hma\ng ba sa yan Têt trung thu trei mđao, ja\k yâo, hơ\k m’ak truh kơ phung hđeh [un, phung hđeh mâo klei hd^p dleh dlan, du\m hruê anei, lu êpul êya, anôk brua\, câu lạc bộ, êpul hđeh ti Daklak dôk mko\ mjing lu hdra\ brua\ m’ak Têt Trung thu, mđup brei du\m hnư mnơ\ng kơ phung hđeh mâo klei hd^p dleh dlan, phung hđeh amâo ja\k asei mlei… ho\ng klei ]ang hma\ng Trung thu kla\ s^t jing hruê m’ak kơ phung hđeh.

 Mơ\ng kluôm hruê kăm anei, khă gơ\ adiê tlam ti anôk bi k[^n Knơ\ng bruă sang ]ư\ êa [uôn hgu\m Thống Nhất, [uôn pro\ng Buôn Ama Thuôt, ]ar Dak Lak ăt mtluk mtlak klei blu\ tlao mơ\ng êbeh 30 ]ô phung êdam êra [uôn hgu\m leh anăn du\m êpul mkăn. Mâo pô ngă aduôn Sun, pô ngă Êr^t pô mkăn lo\ h’ô ]hum ao mkrih mkruh ngă kbuă lăn, jih jang g^r bi leh klei ngă hlăp mgưt” Êr^t nao ti mlan” kơ mmăt trung thu. Amai Hoàng Thị Minh Hiền, Khua dlăng bruă êdam êra [uôn hgu\m Thống Nhất, [uôn pro\ng Buôn Ama Thuôt brei thâo, amâo djo\ kno\ng mko\ mjing bi jăk mmăt trung thu kơ phung hđeh ti [uôn hgu\m đui] ôh, phung êdam êra [uôn hgu\m lo\ bi hgu\m ho\ng êpul hgu\m mkăn mđing uê` kơ phung hđeh kr^ng dleh dlan ]ia\ng đru mguôp bi hro\ êwang bi kpleh plah wah phung hđeh kr^ng [uôn pro\ng ho\ng kr^ng [uôn sang lo\ hma, ]ia\ng kơ phung hđeh mâo yan trung thu hơ\k mơak:

“Phung êdam êra [uôn hgu\m bi hgu\m ho\ng Knơ\ng bruă sang ]ư\ êa [uôn hgu\m leh anăn êpul hgu\m phung mniê mko\ mjing knăm mơak trung thu kơ phung hđeh ti alu\ wa\l m^n t^ng mơ\ng 1.100- 1.200 ]ô, ti Đình Lạc Giao. Ară anei hlăk dôk ngă pui hruh, mko\ mjing êpul kdo\ anak rai hriăm kdo\ mui`… Hlăm hdră mâo du\m klei kdo\ mui`, bi lông ]u\t h’ô ]hum ao siam, kdo\, knăm mơak hlăm êlan [uôn pro\ng leh anăn mđup brei mnơ\ng kơ phung hđeh. Êngao kơ năn, Phung êdam êra mđup 200 hnư mnơ\ng kơ phung hđeh mâo klei hd^p dleh dlan ti 7 [uôn, 1  alu\ ti să Ea Kao.”

Phung hlăm êpul Hdră êlan hrah dak lak dôk mkra pui hruh brei kơ phung hđeh

Bi ho\ng êpul Hdră êlan hrah ti Dak Lak, mse\ si mưng ngă leh, grăp yan Trung thu, di`u lo\ mprăp kơ hdră “Trung thu kơ adei” ti anôk mdrao phung hđeh điêt Sang êa drao pro\ng ]ar Dak Lak (ară anei jing Sang êa drao pro\ng Kr^ng Lăn Dap Kngư) leh anăn lo\ mâo 1 anôk ti du\m kr^ng dleh dleh, taih kbưi ti ]ar. Hlăm ênoh lu anôk dôk dleh dlan, thu\n anei di`u ruah alu\ 4A leh anăn 4B, să }ư\ Môt, kdriêk Ea Hleo, kbưi ho\ng {uôn Ama Thuôt êbeh 130 km ]iăng mko\ mjing Trung Thu.  Anôk anei, 100% jing mnuih djuê [ia\ leh anăn 50% jing go\ êsei [un, leh anăn lu go\ sang mâo phung am^ ama nao mă bruă ti anôk kbưi, phung hđeh dôk ti sang ho\ng aduôn aê anăn phung hđeh ti nei dôk ]ang hmăng kơ trung thu.

}ia\ng mâo prăk mko\ mjing, ayo\ng Hoàng Minh Trung, pô dlăng bruă Hdră êlan Hrah Dak Lak brei thâo, mơ\ng 2 mlan êlâo, phung hlăm êpul iêu mkrum, duah prăk ho\ng hdră ]h^ mnơ\ng mkra ho\ng kngan, ]ih hră thư pháp, ]h^ hră klei mrâo amâo dah nao ti du\m sang ]h^ mnơ\ng [ơ\ng akâo to\ [iêr.. prăk dưi ]h^ di`u mguôp mb^t truh hruê anei dưi blei [ê` trung thu, hdruôm mơar, mnơ\ng mkra pui hruh ]iăng brei kơ 200 ]ô hđeh ti alu\ 4A leh anăn 4B, să }ư\ Môt, kdriêk Ea Hleo leh anăn 5 êtuh hnư mnơ\ng kơ phung hđeh anôk mdrao kơ phung hđeh Sang êa drao pro\ng kr^ng Lăn Dap Kngư hlăm gưl Tet trung thu. Khă gơ\ dleh êmăn [ia\dah grăp ]ô hlăm Hdră êlan Hrah [uh mơak snăk.

“S^t di`u ngă bruă anăn di`u [uh ênoh yuôm bruă  mơ\ng pô ngă leh, ho\ng hdră hiu dui` 1 to\ [iêr amâo dah ]h^ sa po\k hră klei mrâo, ngă 1 boh pui hruh kơ phung hđeh dưi ba ]h^ leh anăn dưi mâo mă ênoh tu\ dưn kơ pô leh anăn mnơ\ng anăn phung hđeh lo\ mđup brei kơ phung hđeh mkăn. Mơ\ng bruă nga\ anăn di`u lo\ w^t hdơr kơ ênu\k pô hlăk điêt leh anăn đru klam bruă ngă anăn kơ jih jang mnuih kyua anăn di`u hơ\k mơak snăk hlăm bruă ngă mơ\ng pô.”

 Mâo lu bruă ngă ho\ng klei s^t, yuôm bhăn mâo du\m gưl bruă, anôk bruă leh anăn jih jang êpul êya ti Dak Lak “hrăm mb^t, đru mguôp” đru kơ phung hđeh [un, phung mâo klei hd^p dleh dlan ho\ng klei ]ang hma\ng phung hđeh dưi hơ\k mơak hlăm yan têt trung thu h’uh mđao. Klei đru ba, klei thâo khăp anăn srăng jing klei mtru\t mjhar kơ phung hđeh, boh nik phung hđeh mâo klei hd^p dleh dlan, hd^p mda ti kr^ng taih kbưi, g^r ktưn hlăm klei hriăm hră mơar, g^r jing mnuih tu\ dưn kơ yang [uôn.

H’Zawut {uôn yă mblang