VOV4.Êđê - Đru mguôp hlăm hdră gang mkhư̆ klei ruă Covid-19 leh anăn mđĭ klei thâo gang mkhư̆ klei ruă tưp kơ mnuih ƀuôn sang, hruê mbrue 12-5, kahan ksiêm ƀuôn hgŭm Khánh Xuân, ƀuôn prŏng Ƀuôn Ama thuôt, Dak Lak mkŏ mjing mbha 10 êbâo blah čhiăm guôm ƀô̆, 250 giêt êa rao mdjiê kman leh anăn dŭm êtuh giêt êa mnăm kơ mnuih ƀuôn sang.

Mbĭt anăn, Êpul kahan ksiêm lŏ ktrâo lač kơ mnuih ƀuôn sang truă čhiăm guôm ƀô̆ djŏ hdră, mtă kơ mnuih ƀuôn sang rao kngan hŏng kƀu, êa rao mdjiê kman, hâo hưn kơ mnuih ƀuôn sang ktuê dlăng klei ruă tưp ti dŭm hdră hâo hưn djŏ, ngă djăp ênŭm 5 klei mtă mơ̆ng Phŭn bruă mdrao mgŭn. Ti Dak Lak, truh mmông anei mâo leh 2 čô djŏ klei ruă Covid-19, ti ƀuôn prŏng Ƀuôn Ama Thuôt. Bruă gang mkhư̆ klei ruă tưp dưi ngă leh anăn hlăk mâo dŭm gưl bruă ti čar ngă jih ai tiê.

H Zawut pô mblang