VOV4.Êđê - Knơ̆ng bruă Dhar kreh –mjuăt ktang asei mlei lehanăn hiu čhưn ênguê čar Dak Lak mkŏ mjing leh hưn mthâo lehanăn dlăng wĭt klei hlăp ngă mgưt lehanăn kdŏ mmuñ mâo anăn: Klei čang hmăng Dam San – dưi ngă hluê hŏng klei yăl dliê kơ Dam San mơ̆ng djuê ana Êđê, hŏng klei čang hmăng anei srăng jing klei hlăp ngă mgưt lehanăn kdŏ mmuñ êdah êdi mơ̆ng ênhiang mmuñ Việt Nam. Klei hlăp ngă mgưt lehanăn kdŏ mmuñ kơ Dam San jing hdră mâo čar Dak Lak bi mklă hluê si klei akâo čiăng mơ̆ng Anôk bruă TNHH Sông Thương Garden, jao kơ Knơ̆ng bruă Dhar kreh –mjuăt ktang asei mlei lehanăn hiu čhưn ênguê čar Dak Lak gĭt gai, nhạc sĩ Nguyễn Cường jing pô phŭn ngă hdră anei mbĭt hŏng êpul kdŏ mmuñ dŭm djuê ana čar Dak Lak.

H Yim Kđoh, K’iăng khua anôk bruă sang čư̆ êa čar Dak Lạk brei thâo, klei hlăp ngă mgưt lehanăn kdŏ mmuñ Klei čang hmăng Dam San mâo čar bi mklă kñăm mkŏ mjing sa hdră hlăp mgưt lehanăn kdŏ mmuñ êdah êdi mơ̆ng ênhiang mmuñ Việt Nam. Lŏ krŭ wĭt, kriê pioh lehanăn hưn mdah kơ hƀuê ênuk dhar kreh djuê ana Êđê hluê hŏng dŭm ênhiang mmuñ, ênhiang kdŏ mjing leh klei jăk siam hĭn êdi hlăm knhuah dhar kreh hiu čhưn ênguê ti Dak Lak, dưi mdah hlăm grăp gưl./.

H’Nêč pô mblang