VOV4.Êđê- Ti anăp klei mâo dleh dưi ksiêm dlăng mơ̆ng klei ruă Covid 19, Anôk bruă sang čư̆ êa čar Dak Lak mrâo ba mdah Hră mtrŭn brei mdei êjai hdră mtô bi hriăm lehanăn dŭm hdră bruă hlăm yan mdei prŏng kñăm gang mkhư̆ klei ruă tưp. Hluê anăn, mơ̆ng hruê 10/7/2021, Dak Lak srăng brei mdei êjai hdră mtô bi hriăm lehanăn dŭm hdră bruă bi kƀĭn lu mnuih hlăm yan mdei prŏng, dŭm hdră bruă mtô bi hriăm klă anăp, mtô bi hriăm bruă ti alŭ wăl čaê truh kơ hbĭl mâo klei hưn mthâo mrâo.

Hră mtrŭn anei dưi ba mdah hlăk čar Dak Lak mâo leh 7 čô ruă Covid 19 lehanăn dŭm čar riêng gah mâo: Phú Yên, Lâm Đồng, Khánh Hoà… klei ruă anei hlăk dôk dleh dưi ksiêm dlăng. Bruă brei mdei êjai hdră mtô bi hriăm lehanăn dŭm hdră bruă bi kƀĭn lu mnuih hlăm yan mdei prŏng dưi dlăng jing sa hdră msir kñăm rơ̆ng klei êđăp ênang kơ phung nai mtô lehanăn phung hđeh hlăm alŭ wăl čar./.

Pô mblang: H’Nêč Êñuôl