VOV4.Êđê -  Čar Dak Lak tĭng srăng bi liê 110 êklai prăk hlăm 5 thŭn kơ anăp, čiăng dưi djăp lehanăn mđĭ lar dŭm mnơ̆ng kriê pioh hƀuê ênuk, anôk jăk siam ti čar. Hluê si Hdră mtrŭn mơ̆ng Knơ̆ng bruă sang čư̆ êa čar Dak Lak mtrŭn bi mklă Hdră răng mgang lehanăn mđĭ lar ênoh yuôm mnơ̆ng kriê pioh ti alŭ wăl truh thŭn 2025, tă hdră truh thŭn 2030, mâo 6 mta bruă dưi mđing duh bi liê, mâo: Mnơ̆ng kriê pioh ala čar yuôm bhăn Sang mnă Ƀuôn Ama Thuôt, Wăl kriê pioh kdrăp mnơ̆ng Dak Lak, Anôk kriê pioh Sang mtao Bảo Đại, Anôk kriê pioh hƀuê ênuk Anôk bruă gĭt gai - Anôk hưn mdah hdră mtrŭn mkŏ mjing Êpul kahan mrô 3, knhuah gru Anôk kiă kriê bruă krŭ kdơ̆ng Dak Lak thŭn 1945, Wăl kriê pioh krŭ kdơ̆ng čar Dak Lak wưng thŭn 1965-1975 leh anăn wăl Drai Nur, Drai Săp.

Mta bruă kñăm mđing truh kơ klei mkŏ mjing dŭm anôk kriê pioh jing anôk hiu čhưn ênguê dhar kreh, dŭm anôk anei čiăng bi hriăm kơ knhuah gru krŭ kdơ̆ng cách mạng kơ phung mda asei, đru kriê pioh dhar kreh jăk siam.

H Zawut pô mblang