VOV4.Êđê- Kñăm đru thiăm kdrăp mnơ̆ng gang mkhư̆ klei ruă Covid-19, bi ala knơ̆ng bruă pui kmlă Dak Lak mrâo mđup brei 100 kdrăp čŭt hơô mgang asei mlei leh anăn 100 blah čhiăm guôm ƀô̆ mdrao mgŭn (mta P-95 thơ̆ng kơ bruă mdrao mgŭn) kơ Sang êa drao prŏng ƀuôn prŏng Buôn prŏng Ƀuôn Ama Thuôt, tỉnh Dak Lak.

Ênoh jih jang mơ̆ng hnư mnơ̆ng mđup brei kơ sang êa drao gưl anei mâo ênoh hlăm brô 20 êklăk prăk. Tŭ mă mnơ̆ng anei, pô bi ala Sang êa drao prŏng Ƀuôn Ama Thuôt lač, klei ruă Covid-19 dôk dleh ktuê dlăng, čar Dak Lak hlăm anăn mâo ƀuôn prŏng Ƀuôn Ama Thuôt mâo leh, leh anăn hlăk mâo lu mnuih ruă, bruă tŭ mă thiăm kdrăp mnơ̆ng mdrao mgŭn jing bruă yuôm bhăn đru kơ êpul knuă druh mdrao mgŭn, aê mdrao hơĭt ai tiê hĭn hlăm hdră gang mkhư̆ klei ruă tưp.

Pô mblang: H’Zawut Ƀuôn Yă