VOV4.Êđê- Aguah mbruê 30/11, čar Dak Lak kčưm ngă leh bruă tlŏ mgang vaccine gang mkhư̆ klei ruă tưp Covid-19 kơ hđeh sang hră gưl 3 lehanăn sang hră hriăm mjuăt nanao hŏng hlăm brô 64.000 čô hđeh sang hră. Nguyễn Văn Lý, k’iăng khua kiă kriê anôk bruă mdrao mgŭn ƀuôn prŏng Ƀuôn Ama Thuôt brei thâo: Gưl anei ƀuôn prŏng Ƀuôn Ama Thuôt srăng tlŏ mgang kơ hlăm brô 36.000 čô hđeh sang hră mơ̆ng 15 -17 thŭn lehanăn srăng tlŏ mgang hlăm 2 hruê mơ̆ng hruê 30/11 – 01/12.

Kluôm čar Dak Lak ară anei mâo 191 êbâo 58 čô hđeh sang hră gưl 3, sang hră thơ̆ng hriăm mjuăt lehanăn sang hră gưl 2. Tui si hdră čoh čuăn, leh ngă klei tlŏ mgang vaccine gang mkhư̆ klei ruă tưp Covid-19 kơ hđeh sang hră dŭm gưl 3 leh anăn sang hră thơ̆ng hriăm mjuăt, čar Dak Lak srăng lŏ ngă bruă tlŏ mgang kơ hđeh sang hră gưl 2. Anôk bruă ksiêm dlăng klei ruă tưp čar Dak Lak brei thâo, čiăng mprăk jăk kơ bruă tlŏ mgang kơ hđeh sang hră, knơ̆ng bruă mdrao mgŭn dăp leh mnuih mă bruă djŏ guôp čiăng rơ̆ng kơ klei tlŏ mgang leh anăn djŏ hŏng boh sĭt klei ruă tưp hlăm alŭ wăl.

Pô mblang: Y-Khem Niê