VOV4.Êđê- Tlam hruê 26/5, Nay Phi La, khua knơ̆ng bruă mdrao mgŭn čar Dak Lak brei thâo, mnuih mâo klei ruă tưp Covid-19 mrô 3836 dôk mdrao ti sang êa drao hnak lehanăn klei ruă ksŏ dôk mâo klei mlih hriê kơ jăk. Dŭm ênoh čih yap, kơ klei êđăp ênang, lehanăn mdei leh bruă kar êrah lehanăn bi hrŏ êa drao bi êđăp klei mĭn. Hruê anei 27/5 mnuih ruă anei dưi mtlaih masin bi êwa lehanăn mĭn tĭng srăng dưi čŏng bi êwa hlăm 2 hruê kơ anăp.

Ba thiăm 3 boh masin bi êwa kơ Sang êa drao mdrao hnak, ksŏ čả Dak Lak

Mnuih mâo klei ruă tưp Covid-19 mrô 3836 anei dưi mâo klei bi mklă mơ̆ng phŭn bruă mdrao mgŭn hruê 15/5/2021. Leh 8 hruê ba mdrao ti sang êa drao hnak lehanăn klei ruă ksŏ čar Dak Lak, mnuih ruă anei mâo klei đĭ nao kơ kjham, dleh bi êwa lehanăn êkŏ êrah. Mnuih ruă anei bi êwa hŏng masin, yua êa drao kháng sinh. Ti anăp klei dleh ksiêm dlăng anăn, dhar bruă mdrao mgŭn Dak Lak iêu mthưr kơ mnơ̆ng dhơ̆ng lehanăn 3 čô êa mdrao mơ̆ng sang êa drao prŏng krĭng Lăn Dap Kngư truh kơ sang êa drao hnak lehanăn klei ruă ksŏ mdrao kơ mnuih ruă anei.

Pô mblang: Y-Khem Niê