VOV4.Êđê - Anôk bruă mdrao mgŭn čar Dak Lak mphŭn tlŏ vaccine Covid 19 gưl 3 kơ dŭm êpul mnuih mâo klei mđing tal êlâo ti alŭ wăl čar. Phung mgăt êdeh ktuê êlan kbưi dưi mđing brei tlŏ hlăm gưl anei pŏk sa klei čang hmăng dưi ruh mtlaih klei gun kpăk hlăm bruă dŭ mdiăng mnơ̆ng dhơ̆ng mlir čar, đru hluê ngă hdră kñăm mdua, gang mkhư̆ kjăp klei ruă tưp lehanăn rơ̆ng kjăp bruă duh mkra.

Hluê si CDC Dak Lak, hlăm gưl tlŏ vaccine Covid 19 gưl 3 anei, hŏng 30 êbâo hnơ̆ng vaccine dưi kah mbha, čar srăng mđing tal êlâo brei tlŏ kơ phung mă bruă mdrao mgŭn, mnuih nao hlăm hdră gang mkhư̆ klei ruă tưp, mnuih mă bruă ti dŭm anôk bruă tuh tia mkra mjing, knơ̆ng prăk, anôk mkăp čhĭ mnơ̆ng dhơ̆ng. Phung mgăt êdeh ktuê êlan kbưi dưi mđing tlŏ vaccine Covuid 19 mâo leh anôk bruă duh mkra ti Dak Lak bi mni, čang hmăng srăng đru ruh mtlaih klei gun kpăk hlăm bruă dŭ mdiăng mnơ̆ng dhơ̆ng mlir čar dôk bluh mâo ară anei. Gưl tlŏ vaccine Covid 19 tal 3 ti čar Dak Lak, tĭng srăng pŏk ngă mđrăm mbĭt dơ̆ng mơ̆ng hruê 22 mlan 7./.

HNêc pô mblang