VOV4.Êđê- Aguah mbruê 1/7, êpul gĭt gai klei bi lông bi ruê̆ klei hriăm gưl 3 čar Dak Dak nao ksiêm dlăng leh bruă mprăk kơ bruă anei hlăm dŭm anôk ngă klei bi lông hlăm ƀuôn prŏng Ƀuôn Ama Thuôt. Klei bi lông thŭn anei, čar Dak Lak mâo sa êpul hgŭm ksiêm dlăng klei bi lông, 32 anôk bi lông hŏng 19.800 čô hđeh srăng ngă klei bi lông. Hlăm ƀuôn prŏ ng Ƀuôn Ama Thuôt mâo 9 anôk bi lông. Truh kơ ară anei, dŭm sang hră mơar mprăp leh êmŭn mnơ̆ng yua, êpul mă bruă đru kơ klei bi lông.

Ti anăp klei dlh dưi ksiêm dlăng klei ruă tưp Covid-19, čiăng rơ̆ng klei suaih prăk kơ dŭm čô hđeh nao bi lông, knuă druh, phung nai, êngao kơ bruă bi mbha êpul hđeh êlâo kơ klei bi lông, dŭm anôk ngă klei bi lông mâo leh dŭm hdră êlan mdjiê kman, mâo anôk mkă hnơ̆ng hlơr asei, rao kiê kngan, čhiăm guôm bô̆ lehanăn mâo 2 êdi 2 adŭ bi lông mkăp. Truh kơ ară anei, čar Dak Lak ka mâo ôh, knuă druh, mnuih mă bruă đru hlăm klei bi lông amâo dah hđeh nao hlăm klei bi lông lĕ hlăm gưl bi lông tal 2.

Pô mblang: Y-Ƀel Êban