VOV4.Êđê - Leh 2 hruê kăm mdei amâo tŭ mă hră m’ar klă anăp, ngă bruă mơ̆ng 30 – 50% ênoh mnuih kñăm hluê ngă hdră bi ktlah yang ƀuôn hluê si Asăp mtrŭn mrô 16 mơ̆ng Khua knŭk kna, Anôk bruă ngă hră m’ar knŭk kna čar Dak Lak lŏ wĭt ngă bruă msĕ aguah tlam hŏng 100% ênoh mnuih mkăp kơ klei čiăng ngă hră m’ar mơ̆ng mnuih ƀuôn sang hlăm klei găl ba yua jih hdră kñăm msir mghaih klei ngă hră m’ar hŏng hdră pral hĭn mbĭt anăn ăt kriê dlăng ênoh mnuih nao ngă hră m’ar hlăm grăp hruê, kñăm bi hrŏ tuič hnơ̆ng klei tưp lar mơ̆ng klei ruă. Kyua klei čiăng ngă hră m’ar mơ̆ng mnuih ƀuôn sang đĭ, dŭm adŭ bruă hlăm anôk bruă anei mâo 100% ênoh mnuih mă bruă kăp tŭ mă, msir mghaih pral klei ngă hră m’ar kñăm rơ̆ng kjăp 2 mta kñăm, msir mghaih pral klei ngă hră m’ar, gang mkhư̆ kjăp klei ruă tưp, gĭr krơ̆ng kjăp lehanăn mđĭ ênoh hră m’ar mâo msir mghaih djŏ wưng kčah mâo êbeh 99,9%./.

H Nêc pô mblang