VOV4.Êđê- Tlam hruê 7-7, hđeh bi lông ti Dak Lak mŭt hlăm klei bi lông Toán - klei bi lông tal 2 hlăm klei bi lông hriăm jih gưl 3 thŭn 2021 hŏng mmông bi lông 90 mnĭt hluê hdră trắc nghiệm. Mjưh ruê̆ klei bi lông lu phung hđeh lač klei lông man dưn. Klei bi lông Toán hlăm klei bi lông hriăm jih gưl 3 thŭn anei, ênoh hđeh bi lông ti Dak Lak nao bi lông mâo êbeh 99,5%.

Hŏng klei mprăp jăk, lu phung bi lông hŏng klei hơĭt ai tiê leh anăn mjưh ruê̆ klei bi lông hŏng ai tiê mơak kyua klei bi lông Toán thŭn anei amâo dleh ôh, mâo klei bi lông msĕ si klei bi hmô mơ̆ng Phŭn bruă sang hră leh anăn Mtô bi hriăm brei leh êlâo anăn. Hluê si klei hâo hưn mơ̆ng Anôk bruă gĭt gai klei bi lông hriăm jih gưl 3 thŭn 2021 čar Dak Lak, ti jih jang dŭm anôk bi lông ti čar, klei bi lông toán tlam leh anăn ngữ văn aguah dưi mkŏ mjing êđăp ênang, djŏ klei bhiăn.

Pô mblang: H’Zawut Ƀuôn Yă