VOV4.Êđê-  Mđing truh asăp iêu mthưr đru mguôp blei vaccine lehanăn kdrăp mnơ̆ng yua hlăm bruă mdrao mgŭn kñăm gang mkhư̆ klei ruă Covid 19 mơ̆ng Dhar bruă mặt trận čar kwar Việt Nam, leh êbeh 1 hruê kăm ieue mthưr, dŭm anôk bruă duh mkra, mnuih hlăm alŭ wăl čar Dak Lak đru leh giăm 6 êklai prăk mâo 30 anôk bruă duh mkra lehanăn 1 čô mnuih đru.

Leh tŭ mă ênoh đru, Dhar bruă mặt trận čar kwar Việt Nam čar Dak Lak srăng ba jao prăk đru anei kơ Keh mơ̆ng Dhar bruă mặt trận čar kwar Việt Nam, mkăp kơ bruă blei vaccine lehanăn kdrăp yua hlăm bruă mdrao mgŭn kñăm gang mkhư̆ klei ruă Covid 19 kah mbha kơ dŭm alŭ wăl. Hlăm dŭm hruê ti anăp, Dhar bruă mặt trận čar kwar Việt Nam čar Dak Lak ăt lŏ tŭ mă klei đru mơ̆ng dŭm êpul êya, mnuih ti alŭ wăl čar ti mrô 07 Nguyễn Tất Thành, ƀuôn prŏng Ƀuôn Ama Thuôt, amâo dah hluê tài khoản mơ̆ng Anôk bruă đru dŏng čar Dak Lak, hlăm Dhar bruă mặt trận čar kwar Việt Nam čar Dak Lak: 3751.0.9035934.0000 – Hjiê prăk knŭk kna čar Dak Lak./.

Pô mblang: H’Nêč Êñuôl