VOV4.Êđê- Tlam hruê 13-7, hluê si Anôk bruă gĭt gai gang mkhư̆ klei ruă kơ mnuih čar Dak Nông 80 čô tuôm bi tuôm giăm hŏng 2 čô mnuih ruă mrô 28.474 leh anăn 31.604 mâo klei tŭ ksiêm mkă RT-PCR amâo djŏ ôh Covid-19. Ară anei phung anei dưi bi ktlah hjăn sa anôk leh anăn klei suaih pral jăk. Êlâo anăn, leh ƀuh phung ruă, čar Dak Nông ngă leh klei bi ktlah kwang dar sang phung ruă anei čiăng ktuê dlăng klei ruă Covid-19. Wưng kwang dar 14 hruê, yap mơ̆ng hruê thâo ƀuh mnuih ruă leh anăn tui hluê si boh klei ruă tưp snăn wưng bi ktlah kwang dar năng ai srăng sui hĭn.

Pô mblang: H’Zawut Ƀuôn Yă