VOV4.Êđê- Čar Dak Nông ngă leh klei bi ktlah jih jang phung nai, mnuih mă bruă, hđeh sang hră ti sang hră Phổ thông Dân tộc nội trú gưl 2 lehanăn gưl 3 Dak R’Lâp, kdriêk Dak R’Lâp leh hmao ƀuh sa čô hđeh sang hră mâo klei ruă tưp Covid-19. Hlăm aguah hruê knăm pŏk kčưm thŭn hriăm mrâo ti sang hră anei, tŭ drông leh phung hđeh nao hgŭm hlăm knăm anei. Hlăm klei mkă hnơ̆ng hlơr asei, sang hră hmao ƀuh sa čô hđeh adŭ 6 mâo klei mtŭk, êngoh. Test pral kơ hđeh anei ƀuh mâo kman Sar-CoV-2. Ăt tlam hruê anăn, hlăm klei ksiêm mkă PCR bi klă hđeh anei mâo kman Sar-CoV-2. Leh kơ năn mtam, êpul êya ngă bruă krih ea drao mdjiê kman, kwang dar, tui duah phung tuôm jĕ giăm. Mbĭt anăn mtă kơ 198 čô hđeh sang hră hlăm 7 adŭ, 31 čô knuă druh, nai mtô lehanăn phung mă bruă dôk bi ktlah ti sang hră.

Pô mblang: Y-Ƀel Êban