VOV4.Êđê- Hruê 21/7, čar Dak Nông hluê ngă leh hdră bi ktlah jih sa Dak Wer, kdriêk Dak Rlâp kñăm gang mkhư̆ klei ruă Covid 19. Hluê anăn, leh lŏ hmao ƀuh 4 čô djŏ klei ruă Covid 19 jing F1 pô ruă mâo mrô 60204, dôk ti alŭ 10, să Dak Wer, kdriêk Dak Rlâp jing mnuih ruă mrâo wĭt mơ̆ng ƀuôn prŏng Hồ Chí Minh, anôk bruă mdrao mgŭn mjêč tui duah 15 čô bi tuôm guăm mbĭt anăn hluê ngă hdră čuăl krĭng ti anôk mâo mnuih ruă lehanăn bi ktlah phung djŏ tuôm. Khă snăn, kñăm rơ̆ng klei êđăp ênang kơ hdră gang mkhư̆ klei ruă Covid 19, kdriêk Dak Rlâp hluê ngă leh hdră bi ktlah jih să Dak Wer. Wưng bi ktlah sui 14 hruê mơ̆ng hruê 21/7 lehanăn tui hluê klei dôk mâo klei ruă tưp, wưng bi ktlah srăng sui hĭn./.

                                                    Pô mblang: H’Nêč Êñuôl