VOV4.Êđê - Hruê 9-8, čar Dak Nông lŏ mâo 7 čô mnuih djŏ kman SARS-CoV-2.  Hlăm anăn mâo dua čô hđeh 1 thŭn jing F1. Jih 2 čô hđeh N.T.T kkiêng thŭn 2020 leh anăn H.K.D kkiêng thŭn 2020 dôk ti kdriêk Dak Glong, čar Dak Nông jing F1 mnuih ruă mrô 165.470 amai H.C.N kkiêng thŭn 1962. Amai H.C.N jing pô tă kčoh mơ̆ng ƀuôn prŏng Hồ Chí Minh wĭt kơ Dak Nông. Hrue 3/8, jih 2 čô anei dưi ba bi ktlah hjăn, bruă mdrao mgŭn mă mta ksiêm mkă. Truh hruê 9-8, 2 čô hđeh anei mâo klei tŭ ksiêm mkă hŏng RT-PCR djŏ kman SARS-CoV-2. Yap truh hruê 9-8, čar Dak Nông mâo 155 čô mnuih ruă Covid-19. Hlăm anăn mâo 12 čô dưi mdrao hlao, kbiă mơ̆ng sang êa drao.

H Zawut pô mblang