VOV4.Êđê- Kñăm mđĭ hnơ̆ng jăk hdră mkŏ mkra krĭng ƀuôn sang mrâo, ară anei, 22 să djăp hnơ̆ng čuăn krĭng buôn sang mrâo ti čar Dak Nông pŏk ngă mkŏ mjing mơ̆ng 2 truh 4 gru hmô đang pla mjing, hma bi hmô kơ dlông. Klei mĭn hlăm bruă mkŏ mjing đang pla mjing bi hmô jing hluê si hdră bruă lŏ hma doh hŏng hdră kñăm mđĭ kyar bruă lŏ hma doh, hơĭt kjăp. Bruă pŏk ngă gru hmô đang pla mjing bi hmô dưi ngă hŏng klei kreh knhâo mơ̆ng hnơ̆ng ƀiă truh hnơ̆ng lu. Êlâo kơ ngă, dŭm alŭ wăl đru kơ khua đang hma bi leh “ Hnơ̆ng kčah kơ đang pla mjing bi hmô”, mâo 5 hnơ̆ng čuăn. Boh nik, čiăng rơ̆ng hnơ̆ng čuăn “Mnơ̆ng dhơ̆ng mơ̆ng đang pla mjing brei rơ̆ng klei doh êbăt”, dŭm gŏ êsei mnuih ƀuôn sang thâo ba yua “4 mta amâo ngă” hlăm bruă pla mjing jing amâo pruê hbâo pruê hoá học leh anăn hbâo ka bi brŭ, amâo krih êa drao mđĭ hnŏng đĭ kyar, amâo krih êa drao răng mgang ân pla mjing, amâo bi mlih gen leh anăn “4 mta amâo ngă” hlăm bruă rông mnơ̆ng jing amâo yua êa drao kháng sinh, amâo yua êa drao kăm, mđĭ hnơ̆ng ktrŏ, amâo rông krư̆ kđăl, amâo bi mlih gen.

Pô mblang: H’Zawut Ƀuôn Yă