VOV4.Êđê- Hluê ngă hdră “Jih jang mnuih ƀuôn sang đru gang mkhư̆ klei ruă Covid-19 leh anăn klei mŭt kbiă hlăm ala čar soh hŏng hdră bhiăn” ti krĭng wăl knông lăn, dŭm anôk bruă lĭng kahan răng mgang knông lăn čar Dak Nông bi hgŭm leh hŏng alŭ wăl mkŏ mjing pŏk ngă, iêu jak êbeh 1000 gŏ êsei mnuih ƀuôn sang hdĭp hlăm krĭng knông lăn čar bi sinê kuôl kă dŭm hdră gang mkhư̆ klei ruă Covid-19 leh anăn klei mŭt kbiă hlăm ala čar soh hŏng hdră bhiăn. Mbĭt hŏng klei čŏng čiăng bi siñê ƀuăn rơ̆ng hluê ngă bi jăk dŭm hdră gang mkhư̆, mdrơ̆ng hŏng klei ruă tưp hluê si klei mtă mơ̆ng bruă sang čư̆ êa alŭ wăl, tơdah ƀuh mnuih mŭt, kbiă hlăm ala čar soh hŏng hdră bhiăn amâodah wĭt mơ̆ng krĭng mâo klei ruă tưp, mnuih ƀuôn sang hưn mthâo mtam kơ dŭm gưl bruă sang čư̆ êa, êpul kahan răng mgang knông lăn thâo boh klei. Mnuih ƀuôn sang gĭr jih ai tiê hluê ngă “3 klei amâo ngă”: Amâo kbiă, mŭt hlăm ala čar soh hŏng hdră bhiăn; amâo mgang, đru kơ phung mŭt kbiă hlăm ala čar soh hŏng hdră bhiăn; amâo mkŏ mjing drông, atăt ba phung mŭt kbiă soh hŏng hdră bhiăn.

Pô mblang: H’Zawut Ƀuôn Yă