VOV4.Êđê- Tlam hruê 14/7, čar Dak Nông lŏ mâo mnuih ruă tal 4 djŏ kman Sar CoV2. Pô ruă anei jing mniê N.T.L, kkiêng thŭn 1972, jing F1 pô ruă mrô 28.474,  hlăk dôk bi ktlah ti anôk bi ktlah mklin sa anôk mơ̆ng Anôk bruă mdrao mgŭn kdriêk Krông Knô mơ̆ng hruê 11/7. Leh hmư̆ lŏ mâo mnuih ruă, anôk bruă mdrao mgŭn mbĭt hŏng êpul djŏ tuôm ba bi ktlah lehanăn mdiăng hŏng êdeh thơ̆ng ba mnuih ruă mơ̆ng krĭng bi ktlah Anôk bruă mdrao mgŭn kdriêk Krông Knô truh kơ anôk bi ktlah dŏng mdrao mnuih ruă Covid 19 mơ̆ng čar Dak Nông mbĭt anăn hluê ngă hdră mdjiê kman jih jang krĭng wăl djŏ tuôm hŏng pô anei êlâo kơnăn.

Dŭm êpul djŏ tuôm mjêč ksiêm dlăng, tui duah mnuih djŏ tuôm lehanăn phŭn tal êlâo ƀuh leh 3 čô bi tuôm giăm hŏng pô ruă anei mâo: Ung ñu dôk mbĭt ti anôk bi ktlah, knuă druh ksiêm dlăng hnơ̆ng hlơr asei mlei lehanăn knuă druh mă mta ksiêm dlăng. Ară anei anôk bruă mdrao mgŭn ăt dôk ksieme dlăng mnuih djŏ tuôm hlăm hdră bi ktlah./.

Pô mblang: H’Nêč Êñuôl