VOV4.Êđê - Aguah 11-7, čar Dak Nông mâo mnuih ruă Covdi-19 tal 2, jing mnuih wĭt mơ̆ng ƀuôn prŏng Hồ Chí Minh. Mnuih ruă 28.474 jing amai T.T.M.H 22 thŭn, dôk ti să Dak Sôr, kdriêk Krông Knô, čar Dak Nông, mnuih mă bruă knơ̆ng bruă hiu čhưn ênguê ti ƀuôn prŏng Hồ Chí Minh. Leh mâo klei tŭ ksiêm mkă, pô anei dưi ba bi ktlah hjăn leh anăn mdrao ti wăl bi ktlah hjăn mdrao kơ mnuih ruă Covid-19 ti kdriêk Krông Knô. Ară anei mnuih ruă mâo klei bi knăl êmăn êmik, mmăt ală mta, amâo mtŭk, amâo êngoh ôh. Tal êlâo ƀuh leh 12 čô bi tuôm giăm F1, 4 cô F2; ară anei ăt dôk lŏ dơ̆ng pŏk mlar hiu duah phung djŏ tuôm.  Anôk bruă mdrao mgŭn čar Dak Nông krih êa drao mdjiê kman ti dŭm anôk mnuih ruă tuôm nao, kwang dar sang mrô 75 alŭ Quảng Đà, să Dak Sôr, kdriêk Krông Knô, čar Dak Nông djŏ tuôm kơ mnuih ruă.

H Zawut pô mblang