VOV4.Êđê -  Mmăt mbruê, 16/7, čar Dak Nông lŏ mâo sa čô mâo klei ruă tưp Covid-19, pô ruă anei jing sa čô êkei, mnuih ruă mrô 44 êbâo 301 jing L.H.D, k’kiêng thŭn 1988, dôk ti ƀuôn Bu Boong, să Dak N’Drung, kdriêk Dak Song, čar Dak Nông. Leh hmao dƀuh mnuih ruă anei, dŭm êpul êya ngă bruă ba leh pô anei nao ti anôk bi ktlah, mdrao mgŭn klei ruă tưp Covid-19 hlăm čar, mbĭt anăn hmao mă mta ksiêm mkă kman kơ mnuih ruă ti anôk bruă mdrao mgŭn kdriêk Dak Song.

Dŭm anôk bruă djŏ tuôm ngă mjêč leh bruă tui duah phung tuôm jĕ giăm hŏng pô ruă anei. Mbĭt hŏng anăn, êpul bruă mdrao mgŭn ngă leh dŭm bruă krih êa drao mdjiê kman ti sang lehanăn dŭm anôk pô ruă anei tuôm găn nao hlăk 3 hruê giăm anei.

H Zawut pô mblang