VOV4.Êđê- Tlam mmăt mbruê (9/7), čar Dak Nông čih yap mâo sa čô mâo klei ruă tưp Covid-19 tal êlâo hĭn, pô mâo klei ruă anei jing sa čô mgăt êdeh tuôm jĕ giăm lu blư̆ hŏng sa čô ngă bruă dŭ suai mnơ̆ng ti kdrŭn êdeh Miên Đồng, ƀuôn prŏng Hồ Chí Minh, ăt mrâo mâo klei bi mklă mâo kman Sars CoV 2. Pô ruă tal êlâo ti čar Dak Nông jing sa čô êkei mâo mrô mnui ruă 26004, kkiêng thŭn 1995, dôk ti wăl krah Krông K’Mar, kdriêk Krông Bông, čar Dak Lak.

Tui si klei ksiêm dlăng kman hlăm brô 15 hruê giăm anei, pô ruă anei jing pô tuôm jĕ giăm lu blư̆ hŏng mnuih ruă ngă bruă soai dŭ mnơ̆ng ti kdrŭn êdeh Miền Đông, ƀuôn prŏng Hồ Chí Minh. Leh thâo kơ klei anei, êpul gĭt gai bruă gang mkhư̆ klei ruă tưp Covid-19 čar Dak Nông ngă leh bruă mă mta ksiêm mkă kman. Hruê 9/7, hlăm klei ksiêm mkă RT- PCR ƀuh pô anei mâo kman Sars CoV 2. Ară anri pô anei ăt dôk suaih pral. Čar Dak Nông mâo leh klei bi mklă bi klah mbĭt hŏng dŭm čô tuôm jĕ giăm hŏng pô ruă anei ti anôk bi ktlah mbĭt kdriêk Dak R’Lâp.

Pô mblang: Y-Ƀel Êban