VOV4.Êđê – Hruê mbruê (30/7), ti anôk mdrao mgŭn kơ mnuih mâo klei ruă tưp Covid-19, knơ̆ng bruă mdrao mgŭn čar Dak Nông jao leh hră dưi kbiă mơ̆ng sang êa drao kơ mnuih ruă mrô 40924. Pô anei jing sa čô êkei mâo mrô 40.924 jing V.H.L.E ngă bruă mgăt êdeh (k’kiêng thŭn 1997, dôk ti alŭ Mỹ Long, să Mỹ An, kdriêk Chợ Mới, čar An Giang).

Leh dŭm hruê dôk mdrao mgŭn, hlăm klei ksiêm mkă kman Sars CoV 2 kơ pô ruă anei hlăm dŭm hruê 19/7, 26/7 lehanăn 28/7 amâo lŏ ƀuh kman ôh. truh kơ hruê 29/7, pô anei dưi ba bi ktlah 15 hruê lehanăn amâo ƀuh ôh kman hlăm 2 blư̆ ksiêm mkă RT-PCR. Klei suah pral hơĭt lehanăn mâo ênŭm klei găl dưi kbiă mơ̆ng sang êa drao. Ară anei, anôk mdrao anei mơ̆ng hruê 9/7 dôk mdrao kơ 30 čô mnuih ruă, phung  ruă dôk hlăm anăn mâo klei suaih pral leh, mâo lu mnuih ruă amâo lu ƀuh ôh kman mơ̆ng 1 truh kơ 2 blư̆ ksiêm mkă kman. Hruê anei čar Dak Nông lŏ mâo 4 čô mâo klei ruă tưp Covid-19, mđĭ ênoh mnuih mâo klei ruă tưp ti čar anei truh  59 čô.

Y Ƀel pô mblang