VOV4.Êđê- Hruê mbruê 7-7, čar Dak Nông mkŏ mjing thiăm 2 anôk gak răng ti êlan dơ̆ng prŏng mrô 14 leh anăn êlan dơ̆ng prŏng mrô 28 čiăng ksiêm dlăng, hưn klei suaih pral, gang mkhư̆ klei ruă Covid-19. Anôk gak răng tal 1 dưi dưm ti Êlan dơ̆ng prŏng 14 bi knông hŏng čar Dak Lak. Anôk tal 2 dưi dưm ti Êlan dơ̆ng prŏng 28 bi knông hŏng čar Lâm Đồng.

Dŭm anôk anei mâo bruă klam brei êdeh êdâo dŭ mdiăng hlăm Dak Nông mjưh čiăng ksiêm dlăng hnơ̆ng hlơr asei mlei, hmư̆ klei hưn klei suaih pral leh anăn hdră êrô êbat hlăm čar. Tơdah ƀuh phung đing djŏ klei ruă amâodah hriê mơ̆ng krĭng mâo klei ruă tưp srăng ba bi ktlah hjăn leh anăn hưn mtam hŏng Anôk bruă gĭt gai gang mkhư̆ klei ruă Covid-19 čar čiăng mâo hdră hmao msir mgaih.

Pô mblang: H’Zawut Ƀuôn Yă