VOV4.Êđê - Hluê si Knơ̆ng bruă mdrao mgŭn čar Dak Nông, truh ară anei kluôm čar bi l3eh 4 gưl tlŏ mgang vaccin Covid-19. Dak Nông jing sa hlăm 4 alŭ wăl hlăm kluôm ala rơ̆ng hnơ̆ng tlŏ vaccin djŏ wưng kčah.

Hluê anăn, hlăm 4 gưl bruă mdrao mgŭn Dak Nông tlŏ leh kơ êbeh 44 êbâo 1 êtuh čô mnuih, hlăm anăn mâo êbeh 6000 čô mnuih tlŏ leh aruăt tal 2. Phung dưi tlŏ vaccin gang mkhư̆ klei ruă Covid-19 hlăm êpul mđing tal êlâo jing phung mă bruă hlăm dŭm anôk bruă mdrao mgŭn, phung đru gang mkhư̆ klei ruă tưp leh anăn mnuih mă bruă ti 3 wăl tuh tia mkra mjing ti čar. Čiăng kơ bruă tlŏ mgang vaccin mâo klei tŭ dưn, bruă mdrao mgŭn čar Dak Nông mkŏ mjing tlŏ vaccin ti 8 anôk, mâo: Sang êa drao prŏng čar ti ƀuôn prŏng Gia Nghiã leh anăn 7 anôk bruă mdrao mgŭn dŭm kdriêk.

H Zawut pô mblang