VOV4.Êđê- Anôk bruă pui kmlă čar Dak Nông ară anei dôk kriê dlăng 7 anôk mđĭ mtrŭn pui kmlă 110 KV, êbeh 4000 km êlan pui kmlă man dưn lehanăn đŭt. Mơ̆ng akŏ thŭn truh kơ ară anei, kluôm čar mâo leh 3 klei truh hlăm êlan pui kmlă kyua mnuih ƀuôn sang koh ana kyâo đuôm ti klei pui. Čiăng rơ̆ng kjăp klei êđăp ênang hlăm êlan pui kmlă ti anăp wưng yan hjan mbĭt hŏng bruă lŏ mkra mđĭ kdrăp pui kmlă.

Phung mă bruă mkra mđĭ êlan klei pui kmlă rŏng êđăp ênang hlăm yan hjan

PC Dak Nông nao ksiêm dlăng nanao êlan pui kmlă, koh druôm ana kyâo bi mngač tač mbĭt anăn mđĭ hdră mtô mblang kơ mnuih ƀuôn sang rŏng klei êđăp ênang êlan pui kmlă.

Koh druôm ana kyâo huĭ joh êbuh hlăm êlan klei pui

Lê Huy Thiệp, K’iăng khua anôk bruă pui kmlă čar Dak Nông brei thâo: Truh kơ ară anei, anôk bruă koh druôm leh jih ana kyâo ti êlan klei pui kmlă găn huĭ srăng êbuh hlăm êlan pui kmlă. Boh nik ti dŭm krĭng mâo ksĭng mmiă lăn čiăng rŭ mkra dŭm hdră bruă snăn anôk bruă bi hgŭm leh hŏng alŭ wăl kriê dlăng kjăp klei anei, rơ̆ng klei êđăp ênang êlan pui kmlă”.

                                                    Pô mblang: H’Nêč Êñuôl