VOV4.Êđê - Hruê mbruê 30-6, Êpul gơ̆ng bruă ƀuôn sang čar Dak Nông gưl IV (wưng 2021-2026) mkŏ mjing leh klei bi kƀĭn tal 1 ruah anăn phung mă bruă hlăm klei dưi mơ̆ng Êpul gơ̆ng bruă ƀuôn sang čar. Hlăm klei bi kƀĭn, Knơ̆ng bruă sang čư̆ êa čar Dak Nông hưn mdah leh klei tŭ ruah khua leh anăn bi mklă bruă klam hŏng 52 čô bi ala dưi ruah hlăm Êpul gơ̆ng bruă ƀuôn sang čar gưl IV, wưng thŭn 2021-2026.

Phung bi ala mplĕ leh hră ruah Khua, Kiăng Khua Êpul gơ̆ng bruă ƀuôn sang čar leh anăn Khua, K’iăng Khua Knơ̆ng bruă sang čư̆ êa čar. Klei tŭ mplĕ hră, Lưu Văn Trung, K’iăng Khua bruă Đảng čar, dưi ruah ngă Khua Êpul gơ̆ng bruă ƀuôn sang čar gưl IV, wưng 2021-2026. Y Quang Ƀuôn krông leh anăn Mai Thị Xuân Trung, lŏ dơ̆ng dưi ruah ngă K’iăng Khua Êpul gơ̆ng bruă ƀuôn sang čar. Hŏng dŭm bruă mkăn hlăm Knơ̆ng bruă sang čư̆ êa čar, Hồ Văn Mười, K’iăng Khua bruă Đảng čar, Khua kahan ksiêm čar dưi ruah ngă Khua Knơ̆ng bruă sang čư̆ êa čar. Lê Trọng Yên, Tôn Thị Ngọc Hạnh lŏ dơ̆ng ngă K’iăng Khua knơ̆ng bruă sang čư̆ êa čar. Khua Knơ̆ng bruă sang čư̆ êa čar mrâo jing Lê Văn Chiên (Khua hđăp adŭ bruă Đảng čar)./.

H Zawut pô mblang