VOV4.Êđê- Tui si ênoh knơ̆ng bruă mdrao mgŭn čar Daklak yap, hlăm ênoh jih jang 325 čô mnuih ruă covid 19 kbiă leh mơ̆ng sang êa drao wưng leh êgao, lŏ mâo 20 čô mnuih lŏ wĭt ruă jing phung ruă 2 ti ƀuôn prŏng Ƀuôn Ama Thuôt; 5 kdriêk Ƀuôn Đon; Êa Hleo; krông Bông; Čư̆ Kuiñ, lehanăn Êa Kar. Hlăm anăn, kdriêk Čư̆ Kuiñ mâo mnuih lŏ wĭt ruă lu hĭn jing 5 čô. Năng mđing êdi, hlăm ênoh anăn mâo sa čô ti să Êa Wer, kdriêk Ƀuôn Đon lŏ ruă lehanăn bi mtưp kơ sa čô mnuih hlăm sang. Aê mdrao Châu Đương, khua kiă kriê sang êa drao hnak čar Daklak brei thâo, tui si phŭn bruă mdrao mgŭn ktrâo atăt, phung anei tơdah lŏ mkă dlăng kman lŏ mâo kman jing ktang snăk, ênưih bi mtưp prŏng hlăm yang ƀuôn, lehanăn srăng ba đih kơ sang êa drao pioh lŏ mdrao mgŭn lehanăn bi ktlah djŏ hŏng mta mtrŭn./.

Pô mblang: Y-Khem Niê