VOV4.Êđê - Hrue mbrue (3/8) Knơ̆ng bruă sang čư̆ êa čar Daklak mâo leh hră mơĭt truh kơ Phŭn bruă tuh tia mnia mblei akâo đru hrui blei boh ƀơr, lehanăn boh durian. Čar Daklak ară anei mâo hlăm brô 5.300 ha boh durian hlăk yan hrui êmiêt, tĭng hnơ̆ng mâo hlăm thŭn anei êbeh 100 êbâo tôn, lu jing mjeh Ri 6, Dona mjeh jăk snăk. Kluôm čar ăt mâo hlăm brô 5 êbâo 500 ha boh ƀơr hlăk khua boh, tĭng mâo hlăm brô 82 êbâo tôn. Čiăng dưi bi sĭt bruă kñăm mdua mdrơ̆ng hŏng klei ruă tưp êjai mđĭ kyar bruă duh mkra êjai, knơ̆ng bruă sang čư̆ êa čar Daklak gĭt gai leh djăp alŭ wăl hlăm čar čŏng duah djăp hdră đru kơ mnuih pla mjing mâo čhĭ boh mnga pô mâo. Mbĭt hŏng anăn, knơ̆ng bruă sang čư̆ êa čar Daklak mâo leh hră mơar akâo kơ phŭn bruă tuh tia mnia mblei bi mguôp hŏng dŭm klei bi mnia mblei hlăm online, ktrâo atăt hlue ngă djăp bruă čiăng mâo hrui blei boh ƀơr, boh durian hlăm čar ba čhĭ hlăm online./.

Y Khem pô mblang