VOV4.Êđê- Hrue mbrue (26/8), knơ̆ng bruă sang hră mơar čar Daklak mâo leh hră mtrŭn kơ bruă hriăm hră mơar thŭn hriăm 2021 – 2022. Mơ̆ng anăn, Dhar bruă sang hră mơar čar amâo srăng mkŏ mjing ôh klei drông hđeh nao sang hră mơar hlăm hrue 1/9 kơanăp. Khua knơ̆ng bruă sang hră mơar čar Daklak mtă, mơ̆ng 1/9 truh êlâo kơ hrue pŏk thŭn hriăm mrâo, Khua sang hră djăp boh sang hră čŏng prăp êmiêt djăp mta pioh mtô lehanăn hriăm, hưn mthâo čiăng kơ hđeh hriăm hră, amĭ ama hđeh thâo kơ hdră hriăm hră mơar mơ̆ng sang hră, ktrâo atăt anak pô hriăm hŏng online. Kơ bruă mkŏ mjing pŏk thŭn hriăm mrâo thŭn 2021 – 2022, hlăm hruê 5/9, hră mtrŭn lač klă: Mkŏ mjing knăm pŏk thŭn hriăm mrâo hŏng online hŏng dŭm êpul êya mâo djăp klei găl. Leh pŏk thŭn hriăm mrâo, dŭm sang hră mkŏ mjing klei bi hriăm hŏng online bi djŏ hŏng klei dôk găn mơ̆ng klei ruă tưp, lehanăn klei dưi mdê mdê, sĭt yơh amâo mâo dưi mkŏ mjing bi hriăm hŏng online ôh hŏng sang hră hđeh điêt./.

Pô mblang: Y-Khem Niê