VOV4.Êđê - Tui si anôk bruă djŏ tuôm čar Daklak hưn aguah mbrue (/8), yap mơ̆ng 0h hrue 24/7 truh kơ ară anei, jing (wưng ƀuôn prŏng Ƀuôn Ama Thuôt, lehanăn kdriêk Čư̆ Kuiñ ngă klei bi kbưi yang ƀuôn mdrơ̆ng hŏng klei ruă tưp covid 19, hlue asăp mtrŭn mrô 16 mơ̆ng knŭk kna), mâo leh 390 čô mnuih ngă soh hŏng mta mtrŭn anei. Ênoh prăk đŭ jih jang êbeh 500 êklăk prăk. Hlăm anăn, kdriêk Čư̆ Kuiñ mâo 4 čô tuôm hŏng klei đŭ bi kmhal, hŏng ênoh prăk jih jang 8 êklăk prăk, dŭm adôk mâo 386 čô ngă soh jing ti ƀuôn prŏng Ƀuôn Ama Thuôt. Klei đŭ bi kmhal dŭm čô ngă soh, mâo ngă leh hŏng klei kjăp, djŏ hŏng mta mtrŭn, mơ̆ng anăn kñăm gang mkhư̆ djăp mta klei ngă amâo mâo djŏ, mtă mtăn kơ jih jang mnuih ngă bi sĭt klei bi kbưi, đru hrăm mbĭt hlăm bruă mdrơ̆ng hŏng klei ruă tưp Covid 19 ti alŭ wăl mâo klei tŭ dưn hĭn.

Y Ƀel pô mblang