VOV4.Êđê- Tui si anôk kiă kriê bruă mdrơ̆ng hŏng klei ruă tưp Covid 19 čar Daklak, aguah mbrue (19/7), alŭ wăl lŏ mâo 2 čô mnuih mâo kman sar Cov 2, ti kdriêk Ea Hleo. Anăn jing Q.C.T lehanăn L.T.H dôk ti alŭ mrô 2B, kdriêk Êa HLeo. Jih dua čô anei jing mnuih hlăm sa găp djuê, mrâo wĭt mơ̆ng ƀuôn prŏng Hồ Chí Minh.

Test pral phung F1, F2 djŏ tuôm

Tui si klei test pral ti sang êa drao Thủ Đức, ƀuôn prŏng Hồ Chí Minh brei ƀuh jing amâo mâo ƀuh kman ôh, jih dua čô anei đĭ êdeh p'phŭt mơ̆ng ƀuôn prŏng Hồ Chí Minh wĭt truh kơ Daklak. Leh truh kơ alŭ wăl pô, diñu dua lŏ nao mkă dlăng pral snăn tinăn ƀuh kman Sar Cov 2. Boh tŭ dưn lŏ mkă dlăng kman mơ̆ng Anôk bruă mdrao mgŭn klei ruă tưp Lăn Dap Kngư ăt bi klă kơ T lehanăn H mâo kman sar cov 2 sơăi./.

Pô mblang: Y-Khem Niê