VOV4.Êđê- Hrue mbrue ti să Dur Kmăn, kdriêk Krông Ana, čar Daklak mâo sa êpul phung djŏ klei ruă tưp mrâo hlăm yang ƀuôn ka thâo bĭt mơ̆ng bi mtưp. Êlâo anăn, hrue 11/10 aduôn N.T.A nao kơ sang êa drao să Dur Kmăn mkă dlăng klei ruă, leh test pral kman covid 19, snăn thâo mâo kman Sar CoV 2.leh ƀuh klei anei, Anôk bruă mdrao mgŭn kdriêk krông Ana tui duah lehanăn mă mta mkă dlăng kman phung djŏ tuôm lehanăn lŏ mâo truh 14 čô mnuih mâo kman.

Yang hrue dơ̆ng hrue mbruê (12/10) 15 mta ba test pral hŏng PCR snăn mâo kman sơăi. Dhar bruă mdrao mgŭn kdriêk krông Ana ngă leh bruă mkă dlăng kman pral kơ hlăm brô 1 êbâo čô mnuih ti ƀuôn Dur 1, să Dur Kmăn, lehanăn mkŏ mjing 4 anôk kăp ksiêm dlăng gang mkhư̆ phung ƀuôn sang lehanăn êdeh êdâo kbiă hiu hlăm wăl mâo klei ruă tưp./.

Pô mblang: Y-Khem Niê