VOV4.Êđê- Khua kiă kriê knơ̆ng bruă mdrao mgŭn Daklak brei thâo, hlăm alŭ wăl lŏ mâo sa čô mnuih mâo kman Sar Cov 2 djŏ tuôm hŏng anôk tưp lar klei ruă mơ̆ng ƀuôn prŏng Hồ Chí Minh. Pô ruă anăn jing Đ.H.Đ kkiêng thŭn 1993, ti alŭ Êa Duât, să Êa Wer, kdriêk Ƀuôn Đon, čar Daklak.

Ñu jing mnuih ngă bruă hlăm knơ̆ng bruă mkra mjing kdô hruh Quảng Huy, ti sang mrô 894 êlan dơ̆ng prŏng mrô 1 A, ƀuôn hgŭm Bình Trị Đông A, kdriêk čar Bình Tân, ƀuôn prŏng Hồ Chí Minh. Ară anei anôk bruă mdrao mgŭn Daklak ba bi ktlah sa anôk, lehanăn mkă dlăng kman hŏng 18 čô mnuih jing F1 mơ̆ng ñu. Anei jing mnuih tuôm bi tuôm hŏng Đ. Ti mmông ñu nao kơ sang êa drao hưn kơ klei suaih pral lehanăn mâo klei test pral. Sang êa drao kdriêk Ƀuôn Đon ăt ngă leh klei krih êa drao wăl hdĭp mda, ti alŭ wăl hma Đ, lehanăn sang êa drao să Êa Wer./.

Pô mblang: Y-Khem Niê