VOV4.Êđê- Êpul gơ̆ng bruă ƀuôn sang čar Daklak mrâo bi klă hdră mtrŭn mlih mrâo thiăm mbŏ hlăm đa đa mơ̆ng Hdră mtrŭn mrô 78/2021, kơ hdră đru kơ êman ƀuôn mđai, lehanăn mkhư̆ klei êman bi roh hŏng mnuih, Daklak srăng đru 500 êbâo prăk/pô êman ana/hrue lehanăn 600 êbâo prăk/kơ pô êman knô/hrue, hlăm wưng brei 30 hrue êman bi druê. Tơdah leh êman ana kđông êđai, pô êman lŏ dơ̆ng tŭ mă klei đru 300 êbâo prăk/hrue hlăm 10 mlan êman dôk kđông, 600 êbâo prăk/hrue mơ̆ng mlan tal 11 êman kđông êđai hlŏng truh kơ mlan tal 6 leh êman mđai. Bi hŏng mgăt êman, čar srăng đru 200 êbâo prăk/hrue hlăm wưng lu êdi jing 29 mlan... Kñăm gang mkhư̆ klei êman ƀlĕ pring hŏng mnuih ti Daklak, dŭm alŭ wăl kreh mâo êman dliê kbiă hriê, snăn mkŏ mjing dŭm êpul răng mgang, grăp êpul amâo mâo êgao ôh 10 čô kăp ksiêm dlăng êlan êman đuĕ hiu, mkŏ mjing hdră pruh êman dliê mŭt bi rai./.   

Pô mblang: Y-Khem Niê