VOV4.Êđê- Knơ̆ng bruă sang čư̆ êa čar Daklak mrâo mâo leh hră mtrŭn kơ bruă lông bi hmô brei kbiă mơ̆ng sang êa drao pral hŏng mnuih ruă covid 19 mâo tlŏ ênŭm leh 2 aruăt vaccine, lehanăn mkă dlăng amâo mâo lŏ ƀuh kman ôh. Hlue anăn, Knơ̆ng bruă sang čư̆ êa čar brei klei dưi: Leh 7 hrue mơ̆ng hrue mkă dlăng RT-PCR amâo mâo ƀuh kman ôh ti anôk mdrao mgŭn, phung F0 tlŏ leh ênŭm 2 aruăt vaccine, dưi brei wĭt mdrao hjan kơ sang.

Êlâo hĭn, klei lông ngă anei dưi mkŏ mjing ti dŭm alŭ wăl mâo leh klei kiă kriê kjăp, mdrao mgŭn F0 ti sang, lehanăn knŏng dưi ngă hŏng phung F0 amâo mâo klei bi knăl ôh, lehanăn dôk hlăm klei hdjul mơh. Knơ̆ng bruă sang čư̆ êa čar jao kơ knơ̆ng bruă mdrao mgŭn ktrâo atăt, ksiêm dlăng, kiă kriê bruă anei ti dŭm êpul êya, alŭ wăl bi djŏ hŏng ênoh čuăn./.

Pô mblang: Y-Khem Niê