VOV4.Êđê- Hrue mbrue (29/9), leh lŏ mâo dua čô mnuih djŏ mrâo klei ruă tưp covid 19, dhar bruă mdrao mgŭn Daklak pral čuăl krĭng, tui duah, mă mkă dlăng kman phung djŏ tuôm. Truh kơ mlan hrue anăn, mâo truh 17 čô mnuih mâo test pral, snăn mâo kman sar cov 2. Anăn jing, aguah 29/9, QVT lehanăn mô̆ ñu jing BTT dôk ti alŭ Cao Thắng, să Êa Kao, ƀuôn prŏng Ƀuôn Ama Thuôt, nao mkă dlăng klei ruă ti sang êa drao Đại học Tây Nguyên. Ti anei leh test pral thâo kơ diñu dua mâo kman sar CoV 2.

Êmuh kơ êlan diñu đuĕ hiu mơ̆ng hrue 17/9 truh kơ hrue 29/9, diñu ngă hma ti ƀuôn Tơ̆ng Jŭ, êrô hiu bi tuôm hŏng lu mnuih, lehanăn nao hlăm lu anôk, hlăm anăn nao wăt ti sang êa drao să, lehanăn sang mnăm kphê... Ngă bruă gang mkhư̆ klei ruă tưp êpul bruă djŏ tuôm kwang dar leh alŭ wăl sang dôk lehanăn hma gŏ sang QVT mbĭt hŏng dŭm anôk dŭm anôk dua ung mô̆ tuôm nao leh wưng êgao./.

Pô mblang: Y-Khem Niê