VOV4.Êđê- Hrue mbrue (24/8) knơ̆ng bruă mdrao mgŭn čar Daklak hưn lŏ mâo sa čô mnuih ruă covid 19 djiê. Anei jing mnuih tal 4 leh djiê kyua klei ruă anei, mâo mrô 161.832, gơ̆ kkiêng thŭn 1989, ti sang mrô 54 êlan Ama Jhao, ƀuôn hgŭm Tân Lập, ƀuôn prŏng Ƀuôn Ama Thuôt, mnuih ruă anei jing mnuih mâo leh klei ruă amâo mâo jăk kŏ dlô. Ƀuh gơ̆ mâo kman Sar CoV 2 mơ̆ng hlăk hrue 2/8, lehanăn dôk mdrao mgŭn ti sang êa drao jing jai mrô 1. Hrue 3/8 ba mnuih ruă anei kơ sang êa drao hnak. Truh hrue 15/8 klei ruă đuĕ nao kơ kjham lŏ ba mnuih ruă kơ sang êa drao prŏng krĭng Lăn Dap Kngư, truh 4h15’ hrue mbrue (23/8 pô bruă anei djiê. Sang êa drao prŏng krĭng Lăn Dap Kngư ngă leh jih klei bhiăn đŭng hruôm asei atâo djŏ hŏng hdră mtrŭn./.

 Pô mblang: Y-Khem Niê