VOV4.Êđê- Leh 28 hrue dôk mdrao klei ruă Covid 19 ti sang êa drao hnak lehanăn ksŏ čar Daklak, aguah mbrue (8/6), dua čô mnuih ruă covid 19 mrô 3237 lehanăn 3334 kbiă leh mơ̆ng sang êa drao leh 3 blư̆ mkă dlăng kman amâo mâo lŏ ƀuh ôh kman Sar Cov 2. Dua čô mnuih ruă anei dôk ti êlan điêt mrô 189/1 êlan Mai Hắc Đế, ƀuôn hgŭm Tân Thành, ƀuôn prŏng Ƀuôn Ama Thuôt.

Leh 28 hrue mdrao mgŭn, klei suaih pral mơ̆ng dua čô mnuih ruă anei hơĭt leh, lehanăn leh 3 blư̆ mkă dlăng kman giăm anei amâo mâo ƀuh kman Sar CoV 2 ôh. Leh kbiă mơ̆ng sang êa drao dua čô mnuih ruă anei, srăng dưi lŏ ksiêm dlăng klei suaih pral ti anôk dôk, leh mdrao klei ruă covid 19 djŏ hŏng mta mtrŭn mơ̆ng phŭn bruă mdrao mgŭn. Snăn, tĭng truh hrue 8/6, čar Daklak adôk 2 čô mnuih ruă covid 19 dôk bi ktalh lehanăn mdroa mgŭn ti sang êa drao hnak lehanăn ksŏ./.

Pô mblang: Y-Khem Niê