VOV4.Êđê- Hŏng djăp bruă ruh mgaih klei dleh dlan kơ phung duh mkra, čar Daknông hlăk dôk gĭr mđĭ mlih bruă duh bi liê, iêo jak phung duh bi liê hriê duh mkra. Čar Daknông mrâo mkŏ mjing bruă hgŭm mơ̆ng phŭn hlŏng kơ êdŭl klei duh mkra pla mjing hŏng kdrăp mrâo mrang kơ ana boh durian, boh ƀơr, lehanăn čêñ hruĕ mkŏ mjing ti ƀuôn prŏng Gia Nghiã.

Anei jing bruă duh bi liê tal êlâo mâo rŭ mjing tui si hdră “Klei Daknông êpa mhao” mâo knơ̆ng bruă sang čư êa čar mkŏ mjing kñăm mpŭ mni kơ hrue phung duh mkra Việt Nam hlăk mlan êlâo. Mbĭt hŏng bruă mkŏ mjing klei mpŭ mni anei lŏ mâo klei iêo jak klei duh bi liê, knơ̆ng bruă sang čư̆ êa čar wĭt lač leh hlŏng truh kơ boh tŭ dưn knhal tuič mâo giăm 150 klei blŭ mơ̆ng phung duh mkra. Knơ̆ng bruă sang čư̆ êa mkŏ mjing êpul truăn kơ bruă ruh mgaih klei dleh dlan kơ phung duh mkra lehanăn phung ƀuôn sang hmăi amâo mâo jăk mơ̆ng klei ruă tưp./.

Pô mblang: Y-Khem Niê