VOV4.Êđê - Aguah mbrue (3/8), čar Daknông mâo lŏ mâo truh 7 čô mnuih djŏ kman sar Cov 2. Hlăm ênoh anăn mâo 6 čô jing mnuih wĭt mơ̆ng krĭng mâo klei ruă tưp dŭm čar nah Dhŭng, sa čô jing F1 mơ̆ng mnuih ruă jing mniê H.L.T kkiêng thŭn 2004, dôk ti kdriêk Dak Glong wĭt mơ̆ng ƀuôn prŏng Hồ Chí Minh, jih jang phung anei mâo ba bi ktlah mtam leh wĭt mơ̆ng krĭng mâo klei ruă tưp.

Leh ƀuh kman sar Cov 2, dhar bruă mdrao mgŭn, mbĭt hŏng êpul bruă djŏ tuôm ba mnuih ruă anăn kơ anôk bi ktlah mdrao mgŭn čar. Dhar bruă mdrao mgŭn pral tui duah mâo 25 čô jing F1 bi tuôm giăm, lehanăn hlăk pral tui duah êlan đuĕ hiu ti anôk truh, ti anôk nao hlăm wang 14 hrue êlâo. Truh ti wưng anei, čar Daknông mâo leh 96 čô mnuih mâo klei ruă tưp covid 19 ti jih jang dŭm boh kdriêk, ƀuôn prŏng hlăm čar. Hlăm anăn mâo 3 čô mâo mdrao hlao leh, kbiă mơ̆ng sang êa drao./.

Y Khem pô mblang