VOV4.Êđê - Knơ̆ng bruă mdrao mgŭn čar Daknông brei thâo, hrue kăm êgao, kluôm čar ngă leh klei tlŏ vaccine gang mkhư̆ klei ruă tưp Covid 19 gưl 2 thŭn 2021 ti dŭm anôk tlŏ mgang mâo Sang êa drao prŏng čar dăp, lehanăn hlăm anôk bruă mdrao mgŭn, kdriêk, ƀuôn prŏng. Phung dưi tlŏ mgang jing phung ngă bruă hlăm dŭm anôk tlă anăp hŏng klei ruă tưp msĕ si êpul phung nai aê mdrao, kahan ksiêm, lĭng kahan, êpul tui duah mnuih ruă hlăm yang ƀuôn, êpul phung ba anăp, phung ngă bruă klei mrâo, mnuih ngă bruă ti anôk mŭt kbiă hŏng ala tac êngao, lehanăn anôk ksiêm dlăng klei ruă tưp hŏng ala tač êngao, mnuih ngă bruă msĕ si mgăt êdeh, êdeh hiu čhưn ênguê, nai mtô, mnuih mă bruă ti dŭm anôk bruă sang hră mơar, mnuih ngă bruă mdrơ̆ng hŏng klei ruă tưp. Boh tŭ dưn, kluôm čar mâo leh 13 êbâo 452 čô mnuih mâo tlŏ ruâ̆t tal 1 vaccine gang mkhư̆ klei ruă tưp covid 19. Leh klei tlŏ mgang, mâo mơh đa đa mnuih tuôm hŏng klei êa drao ngă, hdjul đuič msĕ si đĭ êngoh, ruă bi êgah ti anôk tlŏ amâo mâo ôh mnuih đuĕ nao kơ kjham./.

Y Khem pô mblang